Piden un plan de seguridade viaria tras dous atropelos en seis días
Ocorreu na estrada OU-101 ao seu paso polo barrio de San Francisco, no concello de Ourense
A falta de visibilidade nos pasos de peóns e o exceso de velocidade poderían estra detrás dos sinistros
Residentes na rúa da Granxa, no concello de Ourense, piden unha solución á perigosidade do tráfico na estrada OU-101 ao seu paso polo barrio de San Francisco.
Aseguran que os coches non respectan o límite de velocidade e que ademais a visibilidade non é boa. A consecuencia: dous atropelos en seis días cunha persoa ferida grave e outra leve.
Demandan unha acción coordinada das administracións das que depende a estrada OU-101para establecer un plan de seguridade viaria. Reclaman pasos de peóns elevados e semáforos para obrigar a baixar a marcha dos automóbiles.
