A probabilidade estatística de ceos nubrados o día da eclipse chega ao 70% no norte de Galicia

As zonas más favorables desde o punto de vista astronómico para ver a eclipse total de Sol en Galicia son a que teñen unha maior probabilidade de ceos anubrados o 12 de agosto vindeiro.

Na zona da Mariña, onde a fase total da eclipse vai durar un minuto e 48 segundos, o risco de nebulosidade chega ao 70 por cento, segundo os datos históricos analizados pola Aemet. 

"Na zona norte temos cores vermellas e cores laranxas. É onde a probabilidade de ceos despexados é menor. Hai entre un 60 e 70 por cento de probabilidade de nubulosidade no extremo norte, o que sería a Mariña lucense e o extremo norte da Coruña", explica o delegado da Axencia Estatal de Meteoroloxía en Galicia, Francisco Infante.

Desde a Aemet aclaran que non se trata dunha predicción do tempo para o 12 de agosto, senón unha estimación das zonas que poden ter o ceo máis despexado tendo en conta o que sucedeu ese mesmo día nos últimos 15 anos.

"As mellores zonas serían o interior de Galicia,  o interior da provincia de Lugo e de Pontevedra, o noreste de Ourense - a franxa de totalidade afecta unha pequena parte da provincia de Ourense- e o interior da provincia da Coruña", sinala o delegado da Axencia Estatal de Meteoroloxía en Galicia.

Para ter unha predición meteorolóxica que sexa fiable hai que agardar arredor de 10 días antes da eclipse.

A Aemet anunciou que vai facer unha previsión especial coincindo con este evento astronómico, que non se producía en Galicia desde hai máis dun século.