Valencia, Murcia e Andalucía, en risco extremo debido ás altas temperaturas

A onda de calor aperta hoxe en Valencia, onde a Generalitat decretou o nivel de alerta sanitaria por onda de calor extrema.

AEMET prevé máximas nos municipios do interior de ata 44 graos. Murcia baterá marcas con termómetros por riba incluso dos 45.

A comunidade está tamén en aviso vermello por altas temperaturas, ao igual que as provincias andaluzas de Huelva e Sevilla, onde o risco por calor é extremo. Alí esta noite os termómetros non baixaron dos 25 graos.