Uns ladróns moi habilidosos roubaron dúas veces en catro días nunha librería de Noia
Conseguiron roubar uns 600 euros de material escolar desde fóra do local sen rebentar a reixa
O roubado podería acabar no mercado negro ou nas canles de venta online entre particulares
O curso empezou con máis actividade da prevista na Librería Blanco de Noia. Á intensa demanda habitual destes días, sumouse outra inusual, polas noites. Na madrugada do sábado e do martes pasaron a surtirse tamén uns ladróns moi mañosos. O que lle sorprende á propietaria do negocio, Inma Blanco, é que conseguiran abrir o lateral do escaparate desde fóra da reixa para facerse cun equipamento escolar moi de moda esta temporada. E para levar un gran lote de cadernos dos caros tamén tiveron que botarlle maña.
"Son uns ladróns máxicos porque non romperon nada pero roubaron moito".
Inma valora o substraído nos dous días nuns 600 euros, e dá por feito que por riba lle acabará facendo a competencia desde o mercado negro ou a venda particular online. Por iso pide que os usuarios destas canles teñen unha conciencia máis crítica á hora de mercar; claro que non vas preguntar de onde vén, pero se ves que roubaron..., por iso queremos que saia no periódico e na Galega, para dar visibilidade ao que se roubou.
