Unha tradición moi refrescante: os bañistas da Coruña non faltan á súa cita nin en Nadal

Malia ir tanto frío hai quen mantén as tradicións. Unha das típicas deste 25 de decembro é a de mergullarse na praia de Riazor. Alí, como cada mañá, un grupo de persoas inician a xornada cun baño.

A auga do mar, din, dálles azos para o seu día a día. O baño é para eles fonte de saúde.

A temperatura da auga era de 13,9 graos, no ceo alternaban nubes e claros e o termómetro marcaba 9 graos. 

So faltan á súa cita cando Riazor pecha por temporal, daquela trasládanse a Oza. Hoxe, desde o espazo que lles serve de gardarroupa, mandan unha mensaxe para quen mira asombrado mentres eles gozan do mar.