Publicador de contidos

Publicador de contidos

Morre unha persoa na colisión de dous autobuses e un turismo en Granada

Morre unha persoa na colisión de dous autobuses e un turismo en Granada

Outras 35 quedaron feridas, sete delas de gravidade

Nos dous autocares viaxaban un total de 101 persoas

 

G24.gal 03/07/2022 12:36 Última actualización 03/07/2022 20:41

Unha persoa faleceu, sete resultaron feridas graves e 28 de carácter leve na colisión rexistrada á primeira hora deste domingo entre dous autobuses de pasaxeiros e un turismo á altura do quilómetro 210 da autovía A-92, ao seu paso por Moraleda de Zafayona (Granada).

Segundo informa Emerxencias 112 Andalucía, técnicos deste centro coordinador desprazados ata o lugar do suceso, ocorrido sobre as seis da mañá, confirmaron que os feridos foron evacuados aos hospitais do Parque Tecnolóxico da Saúde (PTS) e ao de Traumatoloxía da capital granadina.

Nos dous autobuses viaxaban un total de 101 persoas. As que quedaron ilesas foron trasladadas a un hotel próximo. Os servizos sanitarios dispuxeron un equipo de evolución no lugar para atender calquera requirimento que puidese presentarse.

O outro autobús implicado no accidente O outro autobús implicado no accidente
Publicidade
Publicidade
Publicidade
Publicidade