Unha muller de Lugo faille a vida imposible aos veciños
A muller ten unha actitude agresiva, ameázaos, insúltaos e no último enfrontamento mesmo golpea un dos veciños
Todo o teñen gravado, e presentaron denuncia nos xulgados logo de facelo tamén na comisaría
No último enfontamento da muller cos seus veciños de Lugo encárase cone eles mesmo agride un home golpeándoo na cabeza co seu móbil. Foi cando saíu á rúa tirar o lixo.
"Vou ao portal e empezame a pegar patadas, a darme puños, rómpeume a camisa e sacoume as uñas", di o veciño que foi agredido.
Denuncian os veciños que os insultos e ameazas son diarios, hai quen lle ofrecen axuda, pero a muller sempre responde desafiante.
"Intimídate con gravarte co móbil, non che deixa pasar", conta unha veciña, outra comenta: "Veu cara a min e case me pasa co carro por enriba
Os problemas de convivencia fan que algúns veciños estean pensando en mudarse. Algúns están a tratamento por ansiedade.
"Eu teño netos e non lles podo deixar sair á terraza porque os insulta e teñen medo", di unha veciña.
Seis veciños xa denunciaron os feitos na comisaría e esta mañá pediron no xulgado unha orde de afastamento.
"Queremos que isto acabe, que a internen si está mal, queremos estar tranquilos", di un veciño.
A mala relación remóntase a hai cinco anos, estiveron tranquilos unha temporada que a moza foi vivir a outro lado, pero este ano volveu para coidar a nai e volveron os problemas.
