Bota a andar unha campaña que promove a conservación do oso e a caza responsable
A Fundación Oso Pardo e a Federación Galega de Caza defenden a conservación da biodiversidade e a caza segura
Na Cornixa Cantábrica calcúlase que haxa unha comunidade de preto de 400 exemplares
A presencia do oso é cada vez máis común nas serras orientais galegas. Compatibilizalo coa caza é o obxectivo dunha campaña lanzada recentemente pola Fundación Oso Pardo e a Federación Galega de Caza.
As incidencias son moi poucas, pero en todo caso convén tomar precaucións básicas como non disparar cando non se percibe claramente a peza ou estar alerta cando se visualizan pegadas que demostran que pola zona hai un oso.
En Galicia, detectouse a presenza de exemplares nas montañas do Courel e os Ancares e na parte oriental de Ourense. Calcúlase que na Cornixa Cantábrica viven arredor de 400 osos.
A campaña, promovida pola ONG e o colectivo cinexético, avoga pola conservación do plantígrado e por garantir unha caza responsable.
