Unha adega galega entre as mellores do mundo
A adega Granbazán foi recoñecida entre as cen mellores a nivel internacional
Situada no Salnés, destacan o seu edificio de estilo indiano e azulexos azuis
A Bodega Granbazán foi distinguida como a única adega galega que forma parte da listaxe que fai unha prestixiosa plataforma encargada de seleccionar os cen mellores viñedos do mundo.
Anabel García, directora de Eventos e Enoturismo da adega, explica que nesta distinción tívose en conta "a calidade das visitas á bodega, así como do viño e dos viñedos".
Desde Vilanova de Arousa, ao estilo de castelo francés, unha construción revestida de azulexo azul e aires indianos preside o terreo de Tremoedo, froito da inspiración do primeiro propietario nunha viaxe polos viñedos franceses.
Ao seu arredor, esténdense 36 hectáreas de cepas de Albariño, de onde saen viños como o Acio de Ouro Granbazán Etiqueta Ámbar.
Son viños, segundo Anabel García, que fan sentir "a inspiración do Atlántico" cando se beben.
Pero na última distinción da Bodega Granbazán non só destaca a calidade do viño, tamén se valoran as experiencias que se ofertan arredor do seu Albariño referente na Denominación de Orixe Rías Baixas. Os viños galegos, nesta ocasión desde O Salnés, volven chamar a atención do mundo unha vez máis.
