Un preso reincidente agride un funcionario do cárcere da Lama e tenta atacar a outros

O sindicato de funcionarios de prisións Tu Abandono me Puede Matar denunciou este domingo un novo episodio violento no centro penitenciario da Lama. Un preso que acumula 16 sancións do réxime disciplinario agrediu un funcionario e intentou golpear a outros.

Os feitos ocorreron esta semana, cando o recluso era trasladado dunha dependencia a outra por catro funcionarios. Segundo denuncia o sindicato, agrediu a un dos traballadores e tratou de golpear a todos os que o agarraban. Insisten en que as condicións de inseguridade dos funcionarios fai que se repitan estas situacións case a diario nos distintos cárceres.