Un plan para fortalecer as cooperativas agroalimentarias galegas
Galicia conta con máis de 200 cooperativas agroalimentarias que xeran riqueza e fixan poboación no rural
Afrontan retos diversos, dende a necesidade de reducir a súa pegada de carbono ata melllorar a formación do seu persoal
Suman máis de 18.000 socios e contan con 1.500 persoas asalariadas. Para fortalecelas, a Asociación Galega de Cooperativas Agroalimentarias lanza un plan de apoio. Son motor económico en zonas rurais e precisan garantir a súa continuidade grazas á formación en distintas áreas, como na incorporación á empresa agraria.
A asistencia técnica axudará cada explotación a buscar a maneira de reducir a pegada de carbono e o consumo de auga. Con máis de 360.000 euros de fondos europeos, Agaca conta con chegar a 260 explotacións gandeiras e formar unhas 700 persoas.
