Publicador de contidos

Publicador de contidos

Un informe do CXPX di que a lei de vivenda do Goberno invade competencias autonómicas

Un informe do CXPX di que a lei de vivenda do Goberno invade competencias autonómicas

O Executivo insiste en que a vai aprobar

Unidas Podemos acusa o órgano dos xuíces de querer impedir os avances sociais en España

G24.gal 24/01/2022 18:45

O novo informe do Consello Xeral do Poder Xudicial pon en dúbida varios aspectos fundamentais do anteproxecto de lei de vivenda.

O primeiro, cuestiona que o Goberno poida regular sobre a materia porque a vivenda é unha competencia autonómica, polo que a nova lei non tería encaixe constitucional. Pero ademais censura a vixilancia sobre os propietarios de inmobles, e non ten claro que se poidan poñer límites por lei aos prezos dos alugueiros. 

Desde o Goberno defenden a súa validez e insisten en que a van aprobar. Así o asegura Raquel Sánchez, ministra de Transportes, Mobilidade de Axenda Urbana, "é un texto que cumpre coa Constitución. A lei está ben armada xurídica e tecnicamente. Así que estamos convencidos de que a imos poder aprobar".

A ministra de Asuntos Sociais asegura nun chío que o documento non é máis que un intento por frear os dereitos dos inquilinos. Desde Unidas Podemos cren que o órgano dos xuíces estase extralimitando.

"O que temos é un Consello Xeral do Poder Xudicial que está liderando a reacción antidemocrática ao Goberno deste país, que está facendo oposición ao Goberno, e que lle molesta que o Goberno de coalición estea dando pasos importantes a favor dos dereitos dos cidadáns", di Isa Serra.

E lembran que os informes do Consello Xeral do Poder Xudicial son preceptivos pero non son vinculantes. 

Publicidade
Publicidade
Publicidade