O compromiso mantense clásico
Moitos dos que casan seguen optando polo tradicional anel
Chega a hora de casar e xorde a dúbida: tiramos polo tradicional e mercamos un anel de compromiso ou innovamos un pouco? Nas tendas teñen claro que o que tira é o de toda a vida.
"Predomina o solitario para as chicas. A pulseira só esporadicamente, pero a tradición é o ouro branco e o ouro amarelo no solitario cun diamante", comenta o xoieiro Lino Pérez
E na rúa coinciden, tanto na cerimonia como no anel.
"Eu son tradicional, cun anel sería suficiente. Unha voda clásica, con comida e rock pero clásica"
Pero, ollo, que non todos pensan o mesmo.
"Prefiro algo que innove, algo único e diferente. O clásico non vai comigo"
Escoller o de toda a vida ou innovar un pouco. Aínda que o importante é a nova vida que chega despois do enlace.
