Poxan na Coruña una colección de botellas valoradas en centos de miles de euros

Unha galería de arte da Coruña pon a poxa unha herdanza moi especial. É unha enorme colección de botellas únicas, de whisky, de coñacs, de brandys. Varias casas de poxas do Reino Unido xa ofreceron por elas decenas de miles de euros.

A súa especialidade é catalogar e valorar obras de arte, pero esta vez a Camilo toucoulle outro tipo de colección.

Camilo Chas Director da Galería Artbys comenta que esta colección "é a paixón dunha vida enteira dedicada. Outra persoa na súa situación mercaría pisos, pero esta persoa coleccionou unha cantidade incrible de bebidas"

Levoulle máis dun mes facer o inventario, 4.116 botellas.

 "Na sala número dúas que é a dos brandys, esta é unha das vitrinas á que o coleccionista lle tiña máis apego. Son botellas de 1730.  Só a colección de brandys supera en 200 botellas o récord Guinness", di Camilo Chas.
Despois unha sala para whiskys.

 "Unha das miñas botellas únicas preferidas é o whisky do Dépor. E despois temos tamén unha selección de botellas conmemorativas como a vida da princesa Diana ou outros eventos da familia real británica", engade Chas.

Destacan os Macallan, e a colección dos xaponeses.

 "E na sala dos whiskys preside esta vitrina con cavas excepcionais como os que se beberon na visita de Eisenhower ou Gerald Ford", di o Director da Galería Artbys.

E unha última sala de licores variados. Hai ofertas de casas de poxas internacionais, por varios centos de miles de euros. Os herdeiros do coidadoso coleccionista coruñés valorarán que o legado quede sen dividir.