Publicador de contidos
Publicador de contidos

Un novo incendio de vehículos en Pontedeume traslada a preocupación á vila

Un novo incendio de vehículos en Pontedeume traslada a preocupación á vila

Esta madrugada arderon dous coches no centro histórico que quedaron totalmente calcinados

En ano e medio producíronse catro sucesos similares, os tres anteriores por axustes de contas

G24.gal 08/04/2024 14:21

Esta madrugada rexistrábase un novo incendio en vehículos en Pontedeume, o cuarto destas características en ano e medio.

Efectivos do parque de bombeiros das Pontes interviñeron no incendio de dous vehículos na rúa do Picho, no centro histórico de Pontedeume, que se saldou sen feridos.

O recinto comarcal do Eume recibiu unha chamada de alerta ao redor das 03:30 horas e ambos os automóbiles quedaron "completamente calcinados", detallou o Consorcio Provincial Contraincendios e Salvamento da Coruña.

O suceso tamén mobilizou a Protección Civil e Garda Civil, que investiga as causas que rodearon a un suceso similar a outros acontecidos nos últimos meses na zona, no caso dos tres anteriores por axustes de contas.

Publicidade
Publicidade
Publicidade
Publicidade
Pódeche interesar