Cortado un carril polas obras de conservación do viaduto da Fraga na autovía do Morrazo

Na autovía do Morrazo continúan os traballos de mantemento dos viadutos da infraestrutura, que comezaron a principio de setembro.

Rematados os traballos no primeiro deles, o da Mó, agora os operarios trasladáronse ao da Fraga, de 360 metros de lonxitude e 65 de altura máxima. 

Trátase de substituír os elementos de goma que permiten axustar os movementos entre vigas e piares dos viadutos. Uns traballos que provocarán cortes e desvíos que xa están debidamente sinalizados. ​​​​O último viaduto en ser reparado será o da Moura e as obras deberían rematar no próximo mes.