Un negocio familiar de biscoitos que leva funcionando dende 1740 en Samos

Por vez primeira en 264 anos, en Casa Manxarín non están a elaborar os máis ca tradicionais biscoitos de Samos. Pero, tranquilidade, porque hai reservas suficientes e o problema é unha avaría no forno que se vai amañar esta semana. Foi en 1740 cando os antepasados de Manuel e María Teresa Teresa comezaron a vender este produto, tirado dunha receita dos monxes do mosteiro da vila.

Oriúndos da aldea de Manxar, diferentes xeracións da familia levan case tres séculos convertendo nestas delicadas pezas a mestura de ovos, fariña e azucre. Sen nada máis. De feito, ata hai poucos anos cocían o biscoito nunha cociña de ferro. Este é un dos poucos negocios que non teñen páxina web nin redes sociais e tampouco fan entregas a domicilio. E, con todo e iso, seguen tendo éxito.

A continuidade do negocio en mans da familia semella garantida, polo que peregrinos, visitantes e veciños seguirán desfrutando deste manxar. Ou Manxarín, mellor dito.