Un mozo de Lugo sufriu varias queimaduras tras explotar a bombona de gas da cociña
O rapaz estaba cociñando cando se produciu a deflagración e queimouse nas pernas
A a onda expansiva só provocou danos na súa vivenda, todo apunta como causa a deficiencias na instalación
Un mozo de Lugo sufriu queimaduras no corpo logo de que explotase a bombona de gas da súa cociña.
Foi á hora de comer, polo que había xente nos pisos do edificio. Escoitouse un grande estrondo. E tras el o cheiro a gas.
"Alertábanos o 112 de que había unha acumulación de gas e que escoitaran un estrondo compatible cunha explosición, desprazouse unha dotación e viu que había unha persoa ferida con queimaduras", explica Enrique López, Cabo do Parque de Bombeiros de Lugo.
O ferido é o único inquilino da vivenda, estaba cociñando cando se produciu a deflagración. Trasladárono ao hospital, mentres os bombeiros revisaban o resto do edificio.
"Valorar se había máis fugas, fixeronse medicións co explosímetro e comprobouse que todo estaba ben", engade o cabo dos bombeiros.
A explosión so afectou a cociña do piso, pero os veciños do edificio levaron un bo susto. No no exterior só se decataron do sucedido pola presenza da policía e bombeiros.
"Foi un susto, unha fuga de gas", di un veciño; outro comenta: "Eu só vin os bombeiros e a policía"
Todo apunta como causa a deficiencias na instalación. É importante revisar que non haxa fugas e levar ao día o mantemento de gomas e válvulas.
