Un menor agride a súa nai cun coitelo e foxe tras roubarlle a tarxeta a súa avoa
No momento da detención, o rapaz alzou o coitelo con actitude intimidatoria cara aos policías
Dependencias da Policía Local de Pontevedra
A Policía Local de Pontevedra detivo un menor que ameazou e agrediu a súa nai cun coitelo e que, tras roubarlle a tarxeta de crédito á súa avoa, fuxiu de casa.
Tras unha chamada de madrugada da nai ao 112 Galicia, os axentes acudiron ao domicilio familiar.
O mozo foi localizado na zona da Parda, onde iniciou unha fuga tras ver á policía, e os axentes tiveron que dividirse para perseguilo a pé e en coche ata cortarlle o paso.
Ao ser interceptado, o menor alzou o coitelo con actitude intimidatoria cara aos policías, facendo caso omiso ás ordes ata que finalmente depuxo a súa actitude e foi inmobilizado.
No rexistro, os policías acharon a tarxeta de crédito roubada, unha considerable cantidade de diñeiro en efectivo, unha substancia compatible con cocaína e pastillas compatibles con MDMA.
O menor foi trasladado a dependencias policiais e notificouse a súa nai o ocorrido.
Segundo incidente relacionado con menores en Pontevedra
Axentes que realizaban labores de prevención observaron unha transacción de droga entre dous mozos na vía pública.
Un deles sacou da súa roupa interior unha bolsa cunha substancia escura que entregou ao outro a cambio de moedas.
Os axentes confirmaron que o comprador, de 16 anos, adquirira haxix para o seu consumo.
Pola súa banda, o vendedor, de 14 anos, portaba máis anacos de haxix, material para a venda de substancias ilegais e diñeiro en efectivo.
A Policía Local contactou cos pais de ambos e puxo os feitos en coñecemento da Fiscalía de menores.
