Restablecida a circulación ferroviaria tras interromperse por un incendio próximo ás vías de tren na Coruña

A circulación ferroviaria restableceuse tras interromperse este xoves por un incendio forestal próximo ás vías de tren na contorna da Coruña, segundo indicaron fontes de Adif.

Un dos trens que se viu afectado é o Avant 09131, que tiña previsto saír da cidade herculina ás 13.35 horas. Media hora despois, os seus pasaxeiros recibiron unha mensaxe que indicaba que o tren se atopaba detido debido a esta circunstancia e que había bombeiros actuando na zona.

Á súa vez, a Consellería do Medio Rural confirmou un incendio forestal na parroquia coruñesa de San Cristovo, sen estimación de hectáreas de momento. Ata alí desprazou un axente, tres brigadas, dúas motobombas e un helicóptero.