Extinguido o incendio que provocou a derruba do teito da conserveira Miramar, en Rianxo

Xa está extinguido o incendio que afectou a conserveira Miramar, no municipio coruñés de Rianxo. Os propietarios confían en que pronto poida volver á actividade.

As lapas obrigaron a evacuar un centenar de empregados, o que evitou danos persoais.

O incendio declarouse sobre as 13:30 e causou o colapso do teito da nave. Os bombeiros conseguiron controlar o lume pasadas as 14:45 horas.

No lugar interviñeron entre outros, os bombeiros de Boiro e Ribeira, a Policía Local, Protección Civil e a Garda Civil.

O concello de Boiro púxose a disposición dos propietarios da conserveira para que poidan poñela en marcha o antes posible e a xente poida volver ao seu traballo.