Os bombeiros rescatan unha muller atrapada nun motocultor en Begonte

Os bombeiros de Vilalba rescataron na tarde deste luns unha muller que quedou atrapada pola perna nun motocultor nunha leira do lugar de Fondevila, en Gaibor, Begonte.

Segundo informou o 112 Galicia, o suceso produciuse arredor das 14:00 horas e foi o persoal de Urxencias Sanitarias de Galicia-061 quen alertou o Centro Integrado de Atención ás Emerxencias.

Ao punto desprazáronse unha ambulancia, os bombeiros de Vilalba, axentes da Garda Civil e efectivos do GES de Friol-Palas. Os profesionais tiveron que retirar as coitelas do vehículo agrícola para liberar a muller, que foi evacuada a un hospital de Lugo.