Un incendio nunha carpintería de Muros deixa danos por valor duns 200.000 euros
No momento do incendio non había ninguén dentro e o lume extinguiuse con moita rapidez
A voz de alarma dérona as traballadoras do negocio de en fronte. Escoitaron estalar cristais e cando saíron viron o fume. Inmediatamente chamaron os servizos de emerxencia e os propietarios da carpintería que, nese momento, xa estaba pechada.
Ardeu principalmente maquinaria e, por fortuna, malia ser unha carpintería e malia a proximidade das madeiras, o lume non se propagou a esa zona.
Unha intervención rápida do GES de Muros que axudou a que non houbera danos maiores. No momento do lume tampouco había ninguén dentro.
Os danos materiais son cuantiosos, ascenden a uns 200.000 euros. Á espera da investigación da orixe do lume todo apunta a que estaría nun problema no cadro eléctrico.
