Un veciño de Foz, acoitelado supostamente pola súa exparella, da que tiña unha orde de afastamento

Un veciño de Foz está ferido grave tras recibir varias coiteladas. Ocorreu esta madrugada. A presunta agresora é a súa exparella, que foi detida.

O home tiña unha orde de afastamento dela. Foi trasladado nun primeiro momento ao hospital de Burela pero debido a gravidade das súas feridas foi derivado ao HULA. A zona do suceso foi acordoada pola Garda Civil.

Desde o 112 confirmaron que foi un particular o que alertou sobre as 04.25 horas da madrugada dos feitos, ocorridos na rúa Curros Enríquez da citada localidade. Polos feitos, desde o servizo de emerxencias alertouse a Urxencias Sanitarias 061 e á Garda Civil.

Investigan se se trata dun caso de violencia de xénero.