Un incendio no maior centro comercial de Portugal deixa catro feridos

Un incendio desatado este domingo no centro comercial Colombo de Lisboa deixou catro persoas feridas. Obrigou a desaloxar milleiros de persoas que ateigaban o maior establecemento de Portugal no comezo da temporada de rebaixas.

As lapas comezaron nun transformador eléctrico no garaxe, na zona de carga e descarga. Os bombeiros controlaron os danos na zona afectada, pero por precaución evacuaron o recinto para evitar riscos.

 Durante o incidente, segundo un voceiro dos bombeiros, houbo catro feridos, un delas por atropelo. Nos traballos de extinción participaron unha trintena de bombeiros e doce vehículos. Tamén se cortaron a electricidade e o gas por precaución.

Agora as autoridades investigarán as causas do incendio. O centro comercial Colombo, de 120.000 metros cadrados e máis de 400 tendas, é un dos máis grandes de Europa.