Morre unha nena de 8 anos ao caer polo patio interior dun edificio en Barcelona
As primeiras hipóteses apuntan a que se trataría dun accidente
Ata o lugar desprazáronse os servizos de emerxencia, que non puideron facer nada por salvar a vida da menor
Europa Press
Unha nena de 8 anos faleceu este domingo tras caer por un patio interior dun edificio do distrito de Les Corts de Barcelona.
Os Mossos d'Esquadra abriron unha investigación para esclarecer as causas da caída da menor, aínda que as primeiras hipóteses apuntan a que se trataría dun accidente.
Os feitos producíronse sobre as oito da tarde do domingo nun edificio situado na Travessera de les Corts, cando a menor se precipitou polo patio de interior desde un dos pisos, segundo avanzou o dixital Metrópoli Aberta e confirmaron fontes policiais.
Ata o lugar do accidente desprazáronse varias patrullas dos Mossos d'Esquadra e da Garda Urbana, dotacións dos Bombeiros de Barcelona e persoal do Sistema de Emerxencias Médicas, que non puideron facer nada por salvar a vida da nena.
