Un incendio calcina por completo o semisoto dunha vivenda unifamiliar en Gondomar
A rápida intervención dos bombeiros evitou que se estendera ao resto da vivenda, que resultou afectada polo fume
Segundo as testemuñas, a virulencia do lume era alarmante
Os bombeiros tiveron que empregarse a fondo, máis de tres horas lles levou conseguir apagalo incendio debido á virulencia das lapas. Por sorte conseguiron controlalo no semisoto e non chegou a estenderse aos andares superiores que si resultaron afectados polo fume.
O lume e as explosións alertaron aos veciños do barrio de Casás na parroquia gondomareña de Vincios que acudiron con cubos e mangueiras para axudar, pero que non puideron facer nada pola magmitude do incendio.
Entre os obxectos acumulados tamén había pintura e produtos químicos, que axudaron á propagación.
A gran sorte foi que as lapas non acadaron o depósito de gasóleo que se atopaba no semisoto. Os habitantes da casa, unha parella e o seu gato, saíron ilesos.
