Arde a metade dunha vivenda e unha construción anexa en Bande

Un incendio destruíu a metade dunha vivenda e unha construción anexa, na parroquia de Carpazás, no municipio ourensán de Bande. Na casa durmía un matrimonio e o pai da señora, pero ningún sufriu danos.

O persoal do GES de Muíños foi o primeiro en chegar ao lugar contra as oito da mañá deste sábado e non rematou o labor ata as catro da tarde. Tamén acudiron os bombeiros de Xinzo.

Din que a extinción levou tempo debido á carga térmica que había na construcción anexa á vivenda onde gardaban unha gran cantidade de madeira. Polo momento, non se sabe como se orixinou o incendio.