Un incendio calcina unha casa na Mezquita que afecta a vivendas lindeiras
O incendio orixinouse nunha vivenda da praza do lugar de Vilavella
Inicialmente foi necesario o desaloxo preventivo das vivendas
O incendio comezou contra as 3:20 horas da madrugada deste domingo
Imaxe do incendio da casa da Mezquita na madrugada deste domingo
Unha casa quedou queimada por completo nun incendio que se orixinou esta madrugada no concello da Mezquita e que afectou a vivendas lindeiras, na praza do lugar de Vilavella.
Segundo informou o servizo de emerxencias 112 Galicia, o primeiro aviso dun particular recibiuse pasadas as 3:20 horas e, pouco despois, outras persoas advertiron de que as lapas xa se estaban propagando ás vivendas próximas a través do tellado.
Durante os traballos de extinción, os efectivos despregados procederon ao desaloxo preventivo das vivendas da zona.
O incendio xa quedou controlado, aínda que o GES da Gudiña continúa traballando para sufocar por completo as lapas. A vivenda na que se orixinou o lume quedou totalmente calcinada e as casas lindeiras sufriron diversos danos.
No operativo tamén participaron efectivos de Urxencias Sanitarias de Galicia-061, que desprazaron unha dotación ata o lugar, a Garda Civil e os voluntarios de Protección Civil da Mezquita
