Un home resulta ferido grave nunha perna mentres rozaba no monte en Melide

Un home resultou ferido grave mentres rozaba nun terreo da súa propiedade.

O suceso ocorreu este luns ás cinco da tarde en Melide, nunha zona de monte e illada na parroquia de Furelos.

O ferido foi evacuado en helicóptero medicalizado ao Hospital Clínico de Santiago.

Crese que algún obxecto puido saltarlle á perna.

Ata o lugar dos feitos desprazáronse equipos de Urxencias Sanitarias de Galicia-061, axentes da Garda Civil, Protección Civil de Melide e Bombeiros de Arzúa.

Se ben o rescate non foi necesario, os bombeiros colaboraron co equipo médico para efectuar o traslado desde o lugar do accidente ao helicóptero medicalizado que agardaba preto para culminar a evacuación.