Trasladan ao hospital un bebé que ía nun carriño atropelado na Coruña

Un bebé tivo que se trasladado ao hospital maternoinfantil Teresa Herrera da Coruña logo de que un vehículo levara por diante o seu carriño nun paso de peóns na rúa Manuel Azaña.

Segundo a información do 112, o suceso produciuse sobre as 15:45 horas deste sábado e foi un particular o que alertou de que un vehículo atropelara o carriño dun bebé, que foi o único ferido.

Ata o punto desprazáronse axentes da Policía Local e profesionais de Urxencias Sanitarias de Galicia-061 que, segundo fontes policiais, trasladaron o bebé, por precaución, ao hospital.