Un mozo de 29 anos morre tras bater contra unha árbore en Ponte Caldelas

Un mozo de 29 anos e veciño de Soutomaior faleceu tras bater contra unha árbore nunha saída de vía en Ponte Caldelas. O seu acompañante quedou ferido e foi trasladado ao hospital. Ningún dos dous levaba posto o cinto de seguridade. 

O accidente aconteceu arredor das 23:20 horas do sábado. Segundo a información do112 Galicia, o turismo batera contra unha árbore e caera por un pequeno terraplén, no quilómetro 7 da PO-244, dirección Soutomaior.

Os xestores do 112 Galicia informaron ao Servizo de Urxencias Sanitarias de Galicia-061, aos Bombeiros do Morrazo e á Garda Civil de Tráfico.

#AXEGAInforma dunha persoa falecida tras unha saída de vía en Ponte Caldelas.

📍Quilómetro 7 da PO-244.

▶️O vehículo bateu contra unha árbore e caeu por un terraplén.

▶️ Un segundo ocupante do vehículo tivo que ser trasladado.

🔗 https://t.co/Y88Fxjwp5g pic.twitter.com/P4c7fXiQVs

— 112 Galicia (@112Galicia) June 7, 2026

Non foi preciso liberar os implicados. Porén, un deles, o condutor do coche, faleceu logo do accidente, sen que nada se puidese facer por evitar o falecemento. 

Durante a mañá deste domingo retirouse o coche do terraplén.