Un fallo na rede de Cloudflare impediu usar X, ChatGPT e diversas webs

Cloudflare solucionou xa un fallo na súa rede global que provocou a caída de varios dos seus clientes, entre os que se atopa a rede social X, o 'chatbot' ChatGPT, numerosas webs ou o videoxogo League of Legends.

A empresa de servizos de seguridade de Internet e servidores informou este martes na súa páxina de Estado, cara ás 12:48 horas (España peninsular), dun problema na súa rede, que impediu o uso e acceso con normalidade ás aplicacións ou páxinas de web.

No seu lugar, os servizos afectados, entre os que tamén se atopan Movistar e Canva, mostran unha mensaxe que indica: "Por favor, desbloquee challenges.clouflare.com para continuar".

A empresa informou ás 15:42 de que daba por resolto o incidente, cuxa causa identificou unha hora e media antes, aínda que non detallou. "Seguimos monitorizando os erros para garantir que todos os servizos volvan á normalidade", indica na súa páxina web.