Un enfrontamento pola poxa dixital de gando en Silleda remata coa intervención da Garda Civil
Algúns compradores negáronse a empregar a nova aplicación móbil e os transportistas bloquearon a saída do recinto
A poxa quedou parcialmente suspendida ao non adxudicarse moitos animais
Imaxe de arquivo
Un enfrontamento entre compradores de recría e transportistas obrigou á intervención da Garda Civil no recinto feiral de Silleda.
O conflito estalou durante a primeira poxa totalmente dixitalizada da Central Agropecuaria de Galicia Abanca, celebrada este martes.
Segundo explicou a entidade organizadora, a suba realizouse por primeira vez unicamente a través da aplicación móbil creada en 2021, que ata agora tiña un uso voluntario.
Algúns compradores rexeitaron empregar a app e decidiron non participar na poxa.
Esta negativa provocou que moitos dos animais non se adxudicaran e tiveran que regresar ás explotacións de orixe.
A situación afectou directamente os transportistas, que denunciaron perdas económicas e bloquearon a saída do recinto cos seus camións.
Finalmente, a Garda Civil acudiu ao lugar e desbloqueou o acceso, o que permitiu a retirada dos animais "sen dificultade", segundo confirmou a organización.
