Máis de 500 animais á venda na Feira do Poldro e do Gando do Monte en Muras

Muras acolleu este domingo a XXXVII edición da Feira do Poldro e do Gando do Monte, un evento ao que non faltan os gandeiros e as gandeiras do concello. 

É unha tradición moi arraigada neste municipio no que os animais son o sustento principal de moitas familias e tamén un apoio para a economía doutras.

Este ano puxéronse á venda máis de 500 animais, entre o gando equino e o vacún, principalmente rubia galega, e tamén algunha cachena. No recinto había tamén burros e ponis.

A oferta era variada e, segundo o murmurio xeneralizado na contorna dos distintos postos, este ano os animais pagáronse a bo prezo.