Cargando resultados...
Un dos detidos da mafia calabresa tiña contactos en Galicia
Na operación Eureka houbo tamén detencións en España como o presunto membro da 'Ndrangheta apreixado en Málaga
O presunto integrante da 'Ndrangheta foi detido en Málaga
G24.gal
05/05/2023 08:41
Última actualización 05/05/2023 11:10
A operación internacional coordinada pola Europol contra a mafia calabresa ten conexións con Galicia. Na operación Eureka houbo tamén detencións en España. Unha delas, un home en Málaga, presunto membro da 'Ndrangheta.
Está acusado de coordinar grandes envíos de droga desde o sur peninsular cara a Italia e mantiña contactos con organizacións locais asentadas en Galicia. Impútanlle os delitos de tráfico de estupefacientes, branqueo de cartos e pertenza a organización criminal.
Na operación levada a cabo entre oito países europeos houbo máis de 150 detencións.
