Un condutor de ambulancia despedido por conducir ebrio en Vigo

Un condutor de ambulancia de Vigo, de 21 anos, foi despedido por conducir ebrio mentres estaba de servizo. Case duplicaba a taxa máxima autorizada.  

A Sala do Social do Tribunal Superior de Xustiza de Galicia afirma que se trata dunha infracción laboral moi grave, e máis sabendo que transporta enfermos e que debe ser extremadamente coidadoso.

Os feitos ocorreron o pasado mes de decembro, cando unha patrulla da Policía Local de Vigo lle deu o alto ao condutor de ambulancia porque viron que saía moi rápido do semáforo. Fixéronlle a proba de alcolemia e deu positivo.