Deteñen un mozo en Carballo despois de intentar agredir a policía
Intentou roubar nunha obra e forzar unha furgoneta
Despois amosouse agresivo e chegou a lle lanzar unha serra a un axente
O detido é un mozo de apenas 16 anos, veciño de Arteixo e con numerosos antecedentes policiais por feitos semellantes. Foi prendido esta fin de semana en Carballo por roubo con intimidación e ameazas graves a un axente cunha arma branca a plena luz do día.
Ao parecer, o detido intentou roubar cable de cobre nunha obra, polo que foi interceptado e identificado pola Policía Local de Carballo. Apenas dúas horas despois, foi sorpendido cando intentaba forzar unha furgoneta. Amosouse agresivo e ameazante, e chegou a lanzar unha serra contra un dos axentes.
Unha vez reducido, a Policía Local de Carballo trasladouno ao cuartel da Garda Civil, que asume a investigación do sucedido.
