Un condutor resulta ferido tras unha colisión frontal entre dous vehículos en Tomiño
As primeiras hipóteses apuntan a que puido producirse polo cegamento provocado polo sol nunha das persoas implicadas
Policía Local de Tomiño
Un condutor resultou ferido nas últimas horas tras rexistrarse unha colisión frontal entre dous vehículos na estrada PO-344, á altura do barrio de Ou Barro, en Tomiño
Segundo informaron fontes da Policía Local, o sinistro tivo lugar sobre as 19:25 horas deste luns, e ata o lugar do accidente trasladáronse, alén de axentes deste corpo, persoal de Protección Civil, o GES da Guarda, efectivos sanitarios e persoal de conservación e mantemento de estradas.
Como consecuencia do choque, un dos condutores resultou ferido e foi trasladado en ambulancia ao Hospital Álvaro Cunqueiro de Vigo.
As primeiras hipóteses apuntan a que a colisión puido producirse polo cegamento provocado polo sol nunha das persoas implicadas. A Policía Local fíxose cargo das dilixencias e investigará as causas.
