Un COB imperial acaba coa xeira do Obradoiro (96-93)
O Obradoiro chegou a ter 11 puntos de vantaxe
O COB reaccionou no terceiro cuarto e deulle volta
O Obradoiro acaba cunha xeira de 12 vitorias e os locais cunha de catro derrotas
O COB deu a badalada no Paco Paz e, cando máis complicado o tiña, cando parecía que o Obradoiro dominaba o partido e mesmo chegara ter 11 puntos de diferenza, aí tirou de coraxe e soubo sacar o mellor do seu baloncesto ata o 96-93 final.
Porque a primeira parte foi dos santiagueses, apoiados no seu acerto exterior. 43-49 ao descanso, cun 7/16 na tripla e 13 puntos de Barrueta. Pero, á volta, a situación comezou a cambiar. A intensidade local complicou a Obradoiro. Os tiros empezaron a non entrar e o COB encontrou un ritmo de xogo asoballador, o que lle impuxeron Vázquez e Lisboa.
Os ourensáns entraron no último cuarto un abaixo e, nese capítulo final, anotou 29 puntos para acabar por levarse a vitoria. Especial mención a como souberon manexar os segundos finais, cando gañaban por seis a falta dun minuto e o Obradoiro encadenou dúas triplas. De Westerman e Barcello. Pero o COB -desde a liña de tiros libres- soubo aguantar.
Despois de catro derrotas, os de Moncho López volveron gañar e acabaron cunha xeira de 12 triunfos consecutivos do Obradoiro na Liga.
