Un ataque ruso con drons mata tres persoas e fere outras 31 na capital ucraína

Un ataque nocturno ruso con drons matou tres persoas e feriu outras 31 en Kíiv, segundo informaron os servizos de emerxencia ucraínos este domingo na súa canle de Telegram.

Un dos impactos produciuse nun edificio de nove plantas nun distrito residencial, onde rescataron trece persoas.

"Noutra dirección, un edificio de seis plantas recibiu o impacto dun dron; como resultado, as xanelas quedaron destruídas desde a primeira planta á novena", informa.

En total, máis de cen operativos dos servizos de emerxencia e máis dunha vintena de equipos de rescate foron despregados na cidade para facer fronte ás consecuencias do ataque.