Chega ao CHUS o material para a instalación do primeiro acelerador de protóns da sanidade pública española

O Centro de Protonterapia de Galicia avanza nas obras de acondicionamento de espazos e entra na fase decisiva de instalación do primeiro acelerador da sanidade pública española.

Segundo informou a Xunta nun comunicado, xa chegaron a Santiago doce colectores con materiais da compañía líder en tecnoloxía de terapia de protóns, que supervisa os traballos.

Tras dezaoito meses do inicio da obra, con dous búnkers construídos á beira do hospital clínico de Santiago, os colectores transportaron o material necesario para situar o acelerador, que xa está listo en Bélxica para enviar a Galicia.

Nove profesionais da empresa especializada traballarán en Santiago como parte do cadro técnico responsable da instalación do equipamento ProteusOne durante o próximo ano.

Prevese a posta en funcionamento 

A partir do último trimestre de 2026, agárdase poder atender 250 persoas cada ano, tanto pacientes galegos coma tamén de Asturias, Castela e León e do norte de Portugal.

Descarga do material prévio á chegada do acelerador desde Bélxica. Foto: Xunta de Galicia