Un ano despois do homicidio da coidadora do Porriño, a instrución segue aberta
O xuízo será con xurado popular e xunto á familia da vítima tamén se presentaron na causa a CIG e o Concello do Porriño
O presunto homicida, tras pasar uns meses na unidade de psiquatría do Alvaro Cunqueiro, agora está no módulo de enfermería do cárcere da Lama
Este mércores fai un ano do asasinato de Teresa de Jesús, a empregada do servizo municipal de axuda no fogar do Porriño que morría a mans do marido dunha muller que coidaba.
A vítima sufría acoso sexual
Na mañá do 29 de xullo de 2025, antes de comezar a súa xornada, Teresa comunícalle á súa empresa que está a ser acosada sexualmente nunha das casas que atende e que non quere traballar alí. Tamen pide asesoramento á CIG. Este era o aviso que lle chegaba ao Concello:
"A traballadora dicía que non quería prestar o servizo nese domicilio, pero tampouco dixo a causa", explicaba o alcalde do Porriño, Alejandro Lorenzo.
Esa mesma mañá é golpeada ata a morte cun machado presuntamente polo home que a acosaba, o marido dunha muller que coidaba.
Un familiar do acusado avisa a policía do crime
É un familiar do matrimonio o que alerta do crime. Descobre o presunto autor, de 78 anos, ensanguentado e aturdido, el mesmo o guia ata o cadáver de Teresa. O caso conmocionaba e mobilizaba á sociedade.
"Temos que reivindicar protección para que ningunha muller volva sufrir violencia no traballo", manifestaba a portavoz da CIG.
Un ano despois, a instrución segue sen pecharse. O xuízo será con xurado popular. Xunto á familia da vítima, tamén se presentaron na causa a CIG e o Concello.
"Que se diriman as responsabilidades correspondentes, pero está clro que o Concello do Porriño vaise presentar na causa", asegurou Alejandro Lorenzo.
O presunto homicida, tras pasar uns meses na unidade de psiquatría do Alvaro Cunqueiro, agora está no módulo de enfermería do cárcere da Lama.
