Un accidente con tres feridos obriga a cortar un carril da AP-9 en Abegondo
Os tres feridos tiveron que ser evacuados a centros sanitarios; un deles tivo que ser liberado
O sinistro provocou importantes retencións
Un accidente de tráfico en que se viron involucrados dous vehículos obrigou a cortar momentaneamente a circulación na AP-9 á altura do concello de Abegondo. Concretamente, o sinistro, unha colisión por alcance, tivo lugar no quilómetro 32, en sentido Santiago, pouco despois das catro da tarde.
Nun dos vehículos implicados, eléctrico, viaxaba unha soa persoa, e no outro dúas. Como consecuencia do accidente, unha persoa quedou atrapada no interior do vehículo, sendo necesaria a súa liberación. Os tres implicados resultaron feridos e foron evacuados a centros hospitalarios.
A autoestrada permaneceu cortada ao tráfico, aínda que pronto puido abrirse un carril. No operativo interviñeron dúas patrullas de Seguridade Cidadá e dúas patrullas de Tráfico da Garda Civil.
🔴 #AXEGAInforma de que a AP-9 atópase cortada no quilómetro 32 en sentido Santiago debido a un accidente entre dous coches.
— 112 Galicia (@112Galicia) January 16, 2026
📍 Parroquia de Vizoño, Abegondo.
➡️ Pode haber atrapados nun dos dous turismos implicados. pic.twitter.com/0pJGxzPpRz
O sinistro provocou importantes retencións.
