Un 40% dos españois endebédanse para poderen viaxar

"Pedir un crédito para ir de vacacións é un pouco excesivo, non?", opina un rapaz

Pois é unha tendencia que vai a máis; de feito, 4 de cada 10 españois así o fan.

"Se a taxa de xuros é baixa, podería endebedarme, si".

 "Non é o caso, pero se tivese que facelo e fose moi necesario, eu creo que a saúde mental é o primeiro".

"Cantas máis posibilidades haxa para que ti decidas como queres pagalo, pois paréceme ben, quen o precise".

"Eu creo que iso é moi agoniante".

"Logo todo o día queixándose, ohh que non chego!, ohh os nenos!, ohh o colexio!".

"Tes que pagar máis despois, así que non quero facer iso, eu prefiro gardar os cartos e logo facer o que queira", comentan varios turistas.

Iso é o que ten pedir cartos, que logo hai que devolvelos con xuros.

 "Eu non o faría, vivir a crédito é perigoso".

 "Non vas estar tranquilo porque sabes que cando volvas vas ter que seguir pagando as vacacións que necesitabas, pero ben...".

"Intento aforrar un pouco e, se non podo, non vou".

"Eu creo que non as gozaría".

"Eu se podo ir, vou, e se non, non".

As vacacións axudan a desconectar do estrés de todo o ano e achegan beneficios moi positivos para a saúde mental e física. Ou así debería ser. 

 "Hai xente que lle serve para desconectar e hai xente que tamén o ve como un estrés".

O que está claro é que hai opcións para desconectar da rutina sen ter que endebedarse.

 "Hai que buscar algo máis acorde ás túas posibilidades, facer turismo local, que tamén é unha posibilidade".

"Se estás na casa, tes moitas opcións para desconectar, tes o campo, a piscina, tes quedar cos amigos. Tampouco precisas gastar 1.000 euros en ir ás Canarias".

E, como en todo, antes de endebedarse, sempre se pode seguir o camiño do medio.

 "Non, non pido crédito, non, non!, pídolle os cartos á miña nai, é máis fácil", conclúe un rapaz.