A última praza de ascenso a primeira, en xogo entre o Tenerife e o Xirona

No fútbol, esta noite complétase a nómina dos equipos da primeira división para a temporada vindeira. Tenerife e Xirona disputan o partido de volta da final do play off nun Heliodoro Rodríguez que, igual que Montilivi na ida, estará totalmente ateigado. Non hai billetes.

Ademais de disputar o encontro decisivo na casa, o equipo canario ten a vantaxe de que lle serve o empate logo da prórroga. Se cadra por iso cedeulle a iniciativa ao Xirona nun encontro de ida que acabou cero a cero, en parte polo acerto do porteiro soriano.