Un incendio nunha fábrica de alta tecnoloxía na China deixa 38 falecidos

Polo menos 38 persoas morreron e dúas quedaron feridas leves nun incendio que afectou a unha planta tecnolóxica na cidade de Anyang, no centro da China.

Ao redor das 16:22 hora local, 7:22 hora galega, produciuse un un incendio nas instalacións de Kaixinda Trading, no distrito de Wenfeng, que acolle as oficinas e fábricas de alta tecnoloxía.

Descoñécense as causas do suceso, que están baixo investigación. Vídeos do incidente que circulan polas redes sociais chinesas mostran como unha gran labarada e columna de fume negro se orixinaba no lugar do suceso. (Axencia EFE)