Aparatoso accidente en Vigo cun coche empotrado contra o muro dunha vivenda

Un coche saíu da vía no barrio vigués de Lavadores e acabou esnafrado contra o muro dunha vivenda.

O suceso produciuse arredor das 20:20 horas na zona de Santa Cristina de Lavadores.

O turismo perdeu o control por causas que se descoñecen e acabou dentro da parcela dunha casa particular.

Os tres ocupantes do coche recibiron asistencia sanitaria no lugar.

O servizo de emerxencias mobilizou dúas ambulancias do 061.

A Policía Local desprazouse ata o lugar do accidente para regular o tráfico e iniciar as dilixencias correspondentes.