Tres feridos nun aparatoso accidente en Vigo cun coche empotrado contra o muro dunha vivenda
O vehículo saíu da vía en Santa Cristina de Lavadores e acabou dentro dunha leira particular
Imaxe cedida por Vigoe.es
Tres persoas resultaron feridas este venres pola tarde nun aparatoso accidente de tráfico ocorrido no barrio vigués de Lavadores, cando un coche saíu da vía e acabou empotrado contra o muro dunha vivenda.
O suceso produciuse arredor das 20.20 horas na zona de Santa Cristina de Lavadores.
O turismo perdeu o control por causas que se descoñecen e acabou dentro da parcela dunha casa particular.
Os tres ocupantes do coche resultaron feridos e precisaron asistencia sanitaria no lugar.
O servizo de emerxencias mobilizou dúas ambulancias do 061 para atender as vítimas.
A Policía Local desprazouse ata o lugar do accidente para regular o tráfico e iniciar as dilixencias correspondentes.
.png)