Unha moza acaba no hospital logo dunha malleira nunha zona de ocio da Coruña

Unha moza da Coruña tivo que ser trasladada ao hospital tras recibir unha malleira cando volvía de saír de festa.  Ocorreu contra as catro e media da mañá na zona de ocio do porto da Coruña.

A moza ía acompañada por varios amigos. Ao chegar ás inmediacións do edificio da Autoridade Portuaria, outro grupo dunhas tres persoas quixeron roubarlle as súas pertenzas empregando a violencia e agredíndoa físicamente. Os asaltantes, amais, agrediron o grupo de amigos botándolles gas pementa nos ollos antes de fuxir. A vítima finalmente tivo que ser trasladada ao hospital debido ás lesións sufridas.