Tres citas moi importantes da 1ª RFEF esta fin de semana na G2
O sábado o Deportivo recibe o Fuenlabrada en Riazor (19:00)
O domingo veremos o partido do Rácing en Mérida (12:00) e o do Celta B diante do Unionistas (17:00)
O Deportivo volve a Riazor para enfrontarse a un rival da zona baixa e de infausto recordo, o Fuenlabrada, que pelexa por evitar o descenso. Os de Óscar Cano necesitan gañar logo do tropezo ante Unionistas para recortar distancias co Alcorcón, que vai líder con catro puntos máis que os coruñeses.
O domingo o Rácing xoga en Mérida cos ánimos renovados logo dos últimos triunfos. Encadea 4 vitorias seguidas que o colocan terceiro na clasificación, cun punto máis que o Dépor. Agárdanse case arredor de trinta graos de temperatura no Romano José Fouto pero fiel ao seu estilo, Cristobal réstalle importancia ao que non sexa estritamente deportivo.
O Celta B tentará aproveitar a situación privilexiada en que se atopa. Quinto na táboa e co obxectivo da permanencia conseguido, o filial soña con xogar o play off pero sen a presión que teñen outros rivais por lograr o ascenso. Con esa tranquilidade tentarán prologar a boa serie na casa fronte a Unionistas. Como locais sumaron 26 dos últimos 30 puntos disputados.
